Visionline — մուտքի կառավարման տեղական համակարգ (On-Premise)

Visionline համակարգն ապահովում է հյուրանոցի անվտանգության բարձր մակարդակ, հարմարավետություն և հանգստություն: Այն օգտագործում է տվյալների վերջին սերնդի ծածկագրում՝ չարտոնված մուտքերից պաշտպանվելու համար: Իսկ առցանց (online) աշխատող փականները թույլ են տալիս ակնթարթորեն երկարաձգել կացության ժամկետը կամ փոխել հյուրի սենյակը՝ առանց նոր քարտ ծրագրավորելու և ընդունարան այցելելու:

Ի՞նչ է Visionline-ը

Visionline-ը անվտանգ և անխափան միջավայր ստեղծելու ժամանակակից լուծում է, որը համապատասխանեցված է ոլորտի ամենաբարձր տեխնիկական չափանիշներին: Հանդիսանալով անլար փականային համակարգերի արտոնագրված լուծում՝ այն թույլ է տալիս կառավարել ինչպես ինքնավար (offline), այնպես էլ ցանցային (online) փականները: Առցանց ռեժիմն աշխատում է ռադիոհաճախականային կապով՝ Zigbee բարձր պաշտպանվածությամբ բաց հարթակի հիման վրա: Համակարգը հեշտությամբ հարմարեցվում է ցանկացած հյուրանոցի կարիքներին և առաջարկում է ֆունկցիաների լայն ընտրություն, ներառյալ սմարթֆոնով դուռը բացելու հնարավորությունը (Mobile Access):

Visionline համակարգի տարբերակները

Visionline Offline (Ինքնավար ռեժիմ)

• Փականի իրադարձությունների և պատմության (audit trail) հետևում:
• Անհատականացված հաշվետվությունների կազմում:
• Ինքնասպասարկման կայան (Auto-update)՝ սենյակներ նշանակելու, քարտերը երկարաձգելու կամ վերաակտիվացնելու համար:
• Տագնապային ազդանշաններ՝ անվտանգության ուժեղացման համար:
• Հատուկ գոտիների մուտքի սահմանափակում և տապալում:
• Համատեղելիություն սմարթֆոնով բացման համակարգի հետ (Mobile Access):

Visionline Wireless (Անլար առցանց ռեժիմ)

• Ճկուն և պարզ տեղադրում:
• Դռների փականներին մալուխներ միացնելու կարիք չկա:
• Առցանց կապ փականների, սեյֆերի և էներգախնայողության համակարգերի (EMS) հետ:
• Իրադարձությունների պատմության հեռահար դիտում ցանցի միջոցով:
• Տագնապների ստացում իրական ժամանակում (Real-time):
• Հյուրի սենյակի փոխում կամ կացության երկարաձգում՝ առանց ընդունարան մոտենալու:
• Էլեկտրոնային բանալիների հեռահար չեղարկում և չեզոքացում:
• Համատեղելիություն սմարթֆոնով բացման համակարգի հետ (Mobile Access):

Visionline Wired (Լարային առցանց ռեժիմ)

Անլար (Wireless) տարբերակի բոլոր առավելությունները, ինչպես նաև․

• Փականների աշխատանք առանց մարտկոցների, ինչը նվազեցնում է սպասարկման ծախսերը և համապատասխանում է էկոլոգիական չափանիշներին:
• Գոյություն ունեցող մալուխային ցանցի օգտագործում՝ արագ և հարմար տեղադրման համար: